Valmynd
Egilsstaðir

Munið að kíkja á Facebook  
 
 
 4.riðill í Skólahreysti er á Egilsstöðum í Íþróttahúsinu Tjarnarbraut og hefst keppnin kl.14:00 og lýkur um kl. 15:50


Mæting skóla er klukkutíma áður en keppni hefst. Þá er gott fyrir krakkana að kíkja á keppnissvæðið og æfa sig. Áhorfendur eru velkomnir á sama tíma. Brautin verður samt uppkomin og tilbúin kl.12:00 – tveimur klst fyrir keppni, þá er skólum einnig velkomið að koma og æfa sig ef vilji er fyrir því.

Keppendur koma til ritara kl.13:00, fara yfir nafnaskráningu, fá bol sem þeir mega eiga og litaskipt vesti sem þeir skila eftir mót. Varamenn fá einnig boli.

Allir keppendur fá medalíur og efstu þrjú liðin fá ostakörfur frá MS – orðið klassískt að fá ostakörfuna góðu

Það er mælst til að keppendur mæti í svörtum buxum en ekki skylda.

Jónsi verður áfram með okkur í ár sem kynnir en hann kemst samt ekki á Egilsstaði svo Gulli Helga verður á hljóðnemanum þar. Þáttastjórnendur frá Rúv eru tveir, þau heita Guðmundur Gunnarsson og var hann annar af þulunum á Eurovision nýliðnu og hún Edda Sif Pálsdóttir. Þau munu taka viðtölin við krakkana. Þættirnir verða fimm og verður fyrsti þáttur sýndur þriðjudaginn 22.mars. Ykkar þáttur verður sýndur viku seinna 28 mars, þá eru Austurland og Suðurland sýnt í sama þætti. Þátturinn hefst kl.20:05.

Úrslit verða svo 28.apríl með sama sniði og verið hefur. Bein útsending frá Laugardalshöll og tíu lið komast í úrslit úr tíu riðlum og svo verða tekin inn tvö uppbótarlið. Þau sem eru með bestan árangur í öðru sæti. Þættirnir voru fjórir í fyrra og afar hratt farið yfir efni. Við vonum að þar sem þeir eru fimm núna að þetta komi betur út en þetta er eh sem Rúv hefur alveg í sínum höndum.

Varðandi stúkuna, þá höfum við sama hátt á og í fyrra, fylgjumst með að skólar fái að sitja saman. Þetta gekk bara nokkuð vel í fyrra en endilega talið við okkur og látið okkur vita ef við getum gert betur hvað stúkuna varðar. Eins að láta okkur vita ef þið sjáið að stuðningsmannalið er að verða of seint í hús svo við höldum plássi frá.

Gangi ykkur vel í undirbúningi og við hlökkum mikið til að sjá ykkur öll. Endilega hringið í okkur eða sendið okkur vefpóst ef eh spurningar vakna.

Viljum minna keppendur og kennara að fara vel yfir þrautir og reglur á skolahreysti.is.


Litir skólanna :
 
rauður
Egilsstaðaskóli

silfurgrár
Fellaskóli
 
svartur
Gr.á Eskifirði

gulur
Gr.Djúpavogs

dökkrauð
Gr.Fáskrúðsfjarðar

orange
Gr.Hornafjarðar

bleikur
Gr.í Breiðdalshreppi

grænn
Gr.Reyðarfjarðar

ljósgrænn
Hallormsstaðaskóli

fjólublár
Nesskóli

ljósblár
Vopnafjarðarskóli

Munið að kíkja á Facebook - alltaf eh skemmtilegt að gerast þar
 
Bestu kveðjur, Lára gsm 663-1112 og Andrés gsm 663-1111
skolahreysti@skolahreysti.is
www.skolahreysti.is

Þrautirnar
Úrslit móta
Úrslit 2020 - 20.3.2019
Hreystivellir
IceFitness
Landsbankinn er styrktaraðili Skólahreysti
Skólahreysti - info(hjá)skolahreysti.is - Facebook