Mæting til keppni – í Íþróttahúsið Tjarnarbraut - sjá einnig á Facebook 

Mæting keppenda er kl.12:00. Þá koma keppendur og varamenn til ritara og  fá boli og keppendur fara yfir nöfn svo allt sé hárrétt skráð í bækur. Keppendur fá litaskipt vesti sem skila þarf eftir mót. Bjóðum upp á skyrdrykki frá MS fyrir keppnislið og kennara.   Brautin verður samt tilbúin og uppsett kl.11.00 svo þá mega þeir sem geta koma og æfa. 

Varðandi stuðningsmannaliðin. Húsið opnar kl.12:00  Við leggjum við mikið upp úr því að skólar sitji saman í stúkunni. Stuðningsmenn skólanna sem eru að koma með skólunum hafa forgang í stúkuna og Gulli Helga stjórnar því með harðri hendi að skólar sitji saman og þeir fái pláss. Áður en mótið hefst er hann með nafnakall á skólana. Láta okkur vita ef þið eruð að verða sein því þá pössum við að halda plássi frá ( hringja þá í Lára 663-1112 eða Andrés 663-1111) Það er auðvitað erfiðara þegar stúkan er orðin full en á alveg að vera hægt. Eh hafa þurft að fara niður á gólf og það verður örugglega þannig líka núna, þetta er vinsæll viðburður en við reynum að gera okkar besta í þessu.  

Mótið er að klárast um kl.14:45 

Okkur þætti vænt um að krakkarnir séu í svörtum buxum en það er alls engin skylda. 

Gott að fara vel yfir reglurnar og slóðin inn á þær er :  http://www.skolahreysti.is/Xodus.aspx?id=130&MainCatID=29&CatID=0

Allir keppendur fá medalíu og þrjú efstu sætin fá gjafakörfurnar góðu frá MS. Fyrsta sætið fær þátttökurétt í úrslitakeppni Skólahreysti MS 2013 í Laugardalshöll 2.maí. Það eru tíu riðlar að venju og tíu efstu liðin sem komast í úrslit en einnig tökum við alltaf tvö uppbótalið inn svo tólf lið keppa til úrslita.

Uppbótaliðin eru lið sem lent hafa í öðru sæti í öllum keppnunum með tvo bestu árangrana. Aðferð : Við tökum öll liðin úr öðru sæti, stillum upp nýju móti í stigatöflu og fáum þannig út árangur liðanna. Við höfum á hverju ári, bara til öryggis tekið einnig öll liðin sem hafa orðið í þriðja sæti en aldrei hefur það gerst að það lið með bestan árangur í þriðja sæti hafi verið með betri árangur en uppbótaliðið í öðru sæti. Svo þessi regla að taka liðin í öðru sæti er að gefast vel.

Rúv býr til 30 mínútna þætti og fer fyrsti þáttur í loftið þriðjudaginn 26.mars kl.20:00