Icefitness
ehf – Skólahreysti
Mosfellsbær
27. október 2008.
Kæru
stjórnendur og íþróttakennarar
Komið þið
sæl,
Viljum
byrja á því að þakka gott samstarf í Skólahreysti 2008. Það er ómetanlegt þegar
stjórnendur skólanna og íþróttakennarar taka eins vel á móti okkur með þetta
verkefni og raun ber vitni. Vonumst við einnig til að
skólarnir í heild sinni njóti þess og
tilgangur verkefnisins skili sér til sem flestra. Ekki aðeins þeirra árganga
sem hafa keppnisrétt heldur einnig árganga sem bíða eftir að fá að keppa. Skólahreysti snýst þó ekki
einungis um að keppa heldur að vekja áhuga sem flestra á hreyfingu og
heilbrigðu líferni. Skólahreystival
er mikilvægur þáttur hvað það varðar.
Nú fer að
styttast í Skólahreysti 2009 . Eitthundrað og sex skólar tóku þátt 2008 af 134
skólum á landinu með níunda og tíunda bekk. Vonumst eftir að
enn fleiri skólar komi til okkar í Skólahreysti 2009.
Það sem
okkur finnst svo aðdáunarvert ár eftir ár er það hve
nemendur, hvort sem það eru
keppendur eða fullur salur af nemendum/stuðningsmönnum, allir sýna sínar bestu hliðar. Unglingarnir sem eru að keppa eru eins og hugur manns. Leggja sig hundrað prósent fram, eru kurteisir og til
hreinnar fyrirmyndar.
Áhorfendur sýna keppendum
eindreginn stuðning.
Þetta er það sem Skólahreysti snýst um.
Heilsusamleg hreyfing og heilbrigð og jákvæð hugsun og það er nákvæmlega
það sem þessir hraustu, duglegu og flottu unglingar gera þegar þeir koma til að
keppa í Skólahreysti.
Vonir
okkar um fjölgun stuðningsmanna úr skólunum fór fram úr öllum vonum í
fyrra. Á öllum keppnum um allt land voru íþróttahúsin
troðfull. Það mættu 12.500 áhorfendur samtals í íþróttahúsin yfir tímabilið. Við höfðum hugsað okkur að verðlauna
öflugustu stuðningsmannaliðin frá skólunum en það var ekki vinnandi vegur þar
sem öll liðin voru svo fjölmenn og öflug. Þau voru mörg
hver í bolum með keppnislit viðkomandi skóla, spjöld, trommur og allskonar lukkudýr fóru fyrir
liðunum. Við
vonumst eftir því að
skólarnir sjái sér fært að senda
nemendur/stuðningsmannalið áfram á keppnirnar. Þáttur þeirra er orðinn stór í þáttagerð og verður
ekki minni í ár. Okkar stefna er sú
að börnin séu í aðal hlutverki,
hvort sem um keppendur eða stuðningsmenn er að ræða. Allir fái að njóta sín.
Það
er nýjung að RÚV verður samstarfsaðili okkar. Þættirnir verða sýndir á RÚV. Þar sem RÚV er sjónvarp allra
landsmanna þá gerir það börnin og verkefnið en sýnilegra. Rás 2 verður einnig útvarp
mótsins. Þættir innan RÚV munu
gera Skólahreysti skil.
12 skólar komast í úrslit
í stað 10 sem einnig er nýjung. Sama fyrirkomulag er á þessum tíu sem komast í
úrslit. Þau lið sem komast inn
aukalega fara inn á árangri. Við
árangurstengjum stigatöfluna.
Þar sem beina útsendingin frá úrslitum í Skólahreysti 2008 gekk svo
hratt og vel þá sjáum við okkur fært að taka inn tvö lið í viðbót í
úrslit.
En ein
nýjungin er Lífstílssamningur. Við
fengum fyrirspurnir síðast liðinn vetur varðandi vímuefnanotkun eitthverja
krakka í Skólahreysti og þá sérstaklega þeirra nemenda sem komust í
skólahreystilið viðkomandi skóla. Við útbjuggum því lífstílssamning sem
íþróttakennurum/stjórnendum skólanna er heimilt að nota ef þurfa þykir. Það er þeim í sjálfsvald sett. Við vonumst eftir því að þeir
eigi eftir að koma sér vel og séu jákvæð þróun á heilbrigðum lífstíl krakkanna. Við látum einn samning fylgja hér með og þá er hægt að
ljósrita hann. Einnig er hægt að
nálgast hann á Skolahreysti.is
Mjólkursamsalan
verður áfram okkar aðal styrktar og samstarfsaðili. Jafnframt eru það
Menntamálaráðuneyti, Sveitafélög, Toyota og Menntasvið Reykjavíkurborgar.
Erum við
þakklát fyrir það.
En þar sem fjárhagslegir erfiðleikar hafa dunið á þjóðfélaginu þá hefur fjárframlag
til verkefnisins lækkað og verðum
við því að draga saman seglin frá
því sem verið hefur. Til þess að geta haldið
Skólahreysti 2009 þurfum við að fækka
keppnisstöðum og keppnisdögum og minnka þannig heildarkostnað
verkefnisins. Við
vorum búin að skipuleggja mótið með sama sniði og í fyrra. Ætluðum að sjálfsögðu að koma á alla staði eins og tvö
undanfarin ár. Svo
breyttust allar forsendur eftir hrun þjóðfélagsins og eftir samningaviðræður
við alla aðila er að þessu koma eru þetta loka niðurstöður á mótadagskrá hér að neðan. Eins og áður segir er MS okkar aðal samstarfsaðila og erum við þeim afar þakklát að hafa ekki bakkað út úr samstarfinu. Um leið og birtir til í efnahag þjóðarinnar eru allir á einu
máli um það að taka upp fyrra
fyrirkomulag og fara í alla landshluta eins og verið hefur hingað til.
Uppfærð mótadagskrá Skólahreysti
2009
12.febrúar – 3 riðlar
Kópavogur – Íþróttahúsið Smáranum
kl. 13:00 Vesturland/Vestfirðir
kl. 16:00 Kópavogur/Garðabær/Álftanes/Mosfellsbær/Kjalarnes
kl. 19:00 Hafnafjörður/Reykjanes
5.mars – 3 riðlar
Reykjavík –
Íþróttahúsið Austurbergi
kl. 13:00 Suðurland
kl. 16:00 Breiðholt/Grafarvogur/Grafarholt/Árbær
kl. 19:00 Vesturbær/Austurbær/Seltjarnarnes
12.mars – 2 riðlar
Akureyri – Íþróttahöllin Skólastíg
kl. 15:00 Norðurland
kl. 18:00 Akureyri
19.mars – 1 riðill
Egilsstaðir – Íþróttahúsið Tjarnarbraut
kl. 15:00 Austurland
Úrslit
30. apríl kl.
20:00 - 12 skólar
Reykjavík –
Laugardalshöll
Bein útsending
- 2 klst
Síðasti
dagur skráningar um þáttöku viðkomandi skóla er tíundi desember. Skal þá senda rafpóst á skolahreysti@skolahreysti.is og skrá þar nafn skóla, nafn íþróttakennara, netpóst og gsm
íþróttakennara.
Nafnaskráning
nemendanna er
tveimur vikum fyrir mót. Þá er
fyllt út “ skráningarform á
skolahreysti.is . Þið
megið að sjálfsögðu skila nöfnum inn fyrr en ekki seinna en tveimur vikum fyrir
mót. Vonumst til að sem flestir noti skráningarformið á
síðunni við nafnaskráningu því það auðveldar svo úrvinnslu.
Skipan
liðs
Keppnin er
liðakeppni á milli skóla. Hver skóli sendir eitt keppnislið. Hvert lið er
skipað
tveimur strákum og tveimur stelpum úr 9. og/eða 10. bekk. Skrá þarf liðið fyrir
10.
desember á skolahreysti.is. Nafnaskráning liðs er tveimur vikum fyrir mótsdag.
Keppnisgreinar
og keppnisfyrirkomulag
1)
Upphífingar/strákar
2)
Armbeygjur/stelpur
3)
Dýfur/strákar
Keppendur
skipta á milli sín keppnisgreinum. Annar strákurinn spreytir sig á upp-
hífingum
og dýfum og hinn tekur hraðaþraut. Eins er með stelpurnar, önnur tekur
armbeygjur
og hreystigreip og hin hraðaþraut. Tveir skólar keppa samtímis í þrautum nema
hreystigreip en þar takast á fimm til átta skólar í einu. Í hraðaþraut fer
stelpan fyrst af stað og
þegar hún
lýkur hringnum inni í bíl má strákurinn fara af stað. Samanlagður tími þeirra
gildir.
Stigagjöf
Fyrir
fyrsta sæti í upphífingum, armbeygjum, dýfum og hreystigreip eru gefin 20 stig,
annað sæti
gefur 19 stig, þriðja sæti gefur 18 stig og svo koll af kolli. Fyrsta sæti
fyrir hraðaþraut gefur 40 stig, annað sæti 38 stig, þriðja sæti 36 stig og svo
framvegis.
Sigurvegari
er sá skóli sem hlýtur flest stig.
Verðlaun
Allir
keppendur fá þátttökupening. Skólaliðin sem lenda í verðlaunasætum
fá
peningaverðlaun sem renna til nemendafélags viðkomandi skóla:
1. sæti
200.000 krónur, 2. sæti 100.000 krónur og 3. sæti 50.000 krónur.
Sigurliðið
fær eignarbikar og vegleg verðlaun.
Skólahreysti
leggur til keppnisboli og vesti fyrir skólaliðin.
Hver
keppni er ein og hálf klukkustund að lengd.
Hvorki
skólar né keppnislið þurfa að greiða fyrir þátttöku í Skólahreysti.
Enginn
aðgangseyrir fyrir áhorfendur, allir velkomnir.
Allar
nánari upplýsingar er að finna á www.skolahreysti.is
Sendið
fyrirspurnir á skolahreysti@skolahreysti.is
Við munum
senda ykkur bækling á næstu vikum og svo plakköt í byrjun janúar
Hlökkum
til að heyra frá ykkur og sjá í vetur.
Bestu
kveðjur,
Andrés
Guðmundsson og Lára Berglind Helgadóttir