Sæl öll sömul
Tíminn flýgur og Skólahreystikeppnir fara að nálgast. Við erum því miður ekki komin með endanlegar dagsetningar frá RÚV en þær hljóta að fara að koma á allra næstu dögum. Keppnirnar verða þó á sama tímabili og 2009. Byrjum um miðjan febrúar og klárum riðlana fyrir páska. Úrslit verða svo 29.apríl 2010 í Laugardalshöll í beinni útsendingu eins og verið hefur.
Við viljum biðja íþróttakennara skólanna um að senda okkur netpóst á skolahreysti@skolahreysti.is og tilkynna þátttöku fyrir 20.desember. Gefa okkur þar upp nafn skóla, íþróttakennara, netfang hans/þeirra og gsm. Nafnaskráning liðsins er svo í síðasta lagi tveimur vikum fyrir mót og allra best er að gera hana inn á Skolahreysti.is undir "nafnaskráning" Endilega sendið samt inn þátttökutilkynningar þó 20.desember sé liðin - við tökum alltaf fagnandi á móti skólum.
Það er okkur sérstakt gleðiefni í ár að nú þegar hafa sex nýir skólar skráð sig sem ekki hafa keppt áður, svo Skólahreysti heldur áfram að vaxa og dafna. Má þar td. nefna Laugargerðisskóla á Snæfellsnesi þar sem heildarfjöldi nemenda er 28 og aðeins 10 nemendur í 9. og 10. bekk. Þetta kallast frábær íþróttaandi.
Við munum setja dagsetningar inn á síðuna um leið og þær eru komnar á hreint og einnig sendum við fréttabréf til allra íþróttakennara sem hafa skráð sína skóla nú þegar.
Minnum á reglur. Allar reglur eru hér á síðunni og um að gera að fara vel yfir þær.
Verðum í sambandi á næstu dögum - gangi ykkur vel að æfa.
Endilega sendið okkur póst eða hringið ef eh spurningar vakna.
Bestu kveðjur,
Andrés gsm 663-1111
Lára gsm 663-1112